أبو الرجال
oooooooooooooooooooooooooooooooooooooooo
قبعة
رأيت فيها لأفكارى محراب ودير وصومعة
علت شعور جميلتى ذات الحروف الخمسة ملء الجهات الأربعة
للحسن عرش مقصور عليها . فيه متربعة
نادى عيون المبصرين والأصم يسمعه
فاق المعانى فى الغرام وفاق فيه مشرعه
وأجاب بعد سؤاله عن سره . فاذا هو
رأيت فيها لأ فكارى محراب ودير وصومعة
بقلم / هشام أحمد صابر
oooooooooooooooooooooooooooooooooooooooooooooooooooooooooooooooooooooooo كلوب فى الكرسى
فيه ناس بتقعد على هواها والهوا لها كرسى
وأنا فتحت قلبى للغرام ورشة تفصل للجمال كرسى
مش هقول طشت الغسيل ورا منه فيه للحــمام كرســى
ولا تحت الشمسيه على البحر فيه كرســى
ولافى البار يطوح من غير ظهر للسكـــارى فيه كرسى
ولاوقفة المكتب تحت الدفاتر فيـــه كرسى
ولارصة الكراتين تعاشــيق فى المخازن كرســى
منيـن مافيه مقاعد تلاقـــيه وعمره ماإشتكى الكرسى
ساعات يجينا الضيف نقول له إستنه لمه أمسح لك الكرسى
وساعات يجينا الضيف نقول
إمسح هدومك قبل متقعد على الكرسىوساعات يجينا الضيف نسيبه وقبل مايقعد نسحب الكرسى
ولما يكون فيه كبسه وعايزين نهرب نرزع الكلوب كرسى
ولما حد يضايقنا ونتخنق منه ولازق لنا نقوم نلبسه الكرسى
ولما يجينا غلس نقعد ونخلى الصبى يرصلنا كام كـرس
وسـاعات نلعب على اللى يلحق ويكسب آخر كرسى
وساعـات فى دنيا العجـايب يكون الخـازوق كرسـى
وخادم السلطـان يقول حاضر يطاطى وعينه عالكرسى
وكل المــلوك فى الأرض لازم يكون تحتها كرسى
والمجالس كتيـر تغير ناس ويفضل الكرسـى
وللكراسى ألوان إسود ورمادى وفي الأبيض تحلى قاعدة الكرسى
كتير بنطلع سلالم نلاقى على البسطه فيه كرسى
عشان الناس بتتعب من العالـى وفيه فى العالى كرسـى
وحـده وحــده درجـات وياتلاقى يامتلاقيـش كرسى
مالها قعدة الأرض فرشة العز.. تحــت.. كلـها كرسى
ممنهاش مصلحه ولافيها عينين عايزين يخطفو الكرسى
يابنى آدم بص لفوق فووووووووووء مسمعتش آية الكرســــى
وفيه ناس بتقعد على هواها والهوا لها كرسى
وأنا فتحت قلبى للغرام ورشة تفصل للجمال كرسى
عديتهم 28 ينقصم ..... كرسى
وعجبى
